【歌手2018】宣傳片同Chanel廣告9成似　Jessie J急刪片撇清關係

大陸節目《我是歌手》自開播以來，一直都有新聞傳出話佢哋抄襲，先有第3季嘅片頭動畫被指抄襲西班牙電影，之後第4季嘅海報又被人話係抄Adidas，本來節目個版權係來自韓國的《I AM A SINGER》，但之後因為續約同限韓令，由第5季開始就直接將個名改埋做就咁《歌手》，本來就諗住有個新開始，點知又出事。

今季請咗來自英國嘅重量級歌手Jessie J，個個都好期待佢會唱《Price Tag》，成件事都好夢幻，「預言家」維基百科就預告Jessie J將會唱自己嘅歌《Domino》，仲連續兩場排位賽同淘汰賽都拎第1，想知係咪真就今晚記得睇。

但可怕節目未出街已經出事，就係Jessie J節目宣傳片竟然同知名品牌Chanel嘅香水廣告片有9成相似，網民將2條片cap圖對比一下，發現根本分唔清邊一個係《歌手》同Chanel。據聞Chanel方面已經有律師幫佢跟進，Jessie J本身IG都有Share節目宣傳片，依家拿拿臨已經del片，連大陸網友都忍唔住講句：「拜託別要丟臉丟出國際。」

想睇有幾似，即點撃下圖