杜汶澤曬肌教大家角度的重要性　揀啱角度即刻勁變麒麟臂

潮流興操肌，有追開杜汶澤instagram啲post的朋友都知道，阿澤近期好勤力認真地玩健身操肌肉，為了達至最佳效果，他亦嚴格進行飲食控制，總之雙管齊下決心要操到爆晒肌。而阿澤的努力亦愈來愈有成果，一雙手瓜已經日漸粗壯，向麒麟臂的方向進發，唔知他愛妻田蕊妮會唔會覺得老公呢雙強而有力的臂彎充滿了安全感呢？

今日阿澤又上載了兩張他去健身時的相片，上下對照並留言表示：「角度的重要性。」無錯，呢個大道理唔止適用於女生拍照，男人都一樣啱用㗎。睇阿澤post的兩張相，上面一張他企近鏡頭，明顯大隻好多手臂都粗碌好多，仲大隻過他身旁、企離鏡頭遠一些的教練。不過下面那張相，阿澤同教練企的位置對調，成個形勢都唔同了，完全清楚展示到角度的重要性。