黃曉明為仔仔砌滑梯　豪宅超大客廳意外曝光

黃曉明與Angelababy在2015年結婚，去年年初誕下「小海綿」後，減產陪仔仔，Angelababy都明顯減少幕前演出。最近網上流傳曉明在朋友圈分享新相，相中曉明幫仔仔砌遊樂場。雖然他出名鍚老婆，但見到平時行型仔路線的他穿上「LOVE」、「BABY」的拖鞋，公開向老婆示愛，真係好SWEET！雖然仔仔只係一歲，但廿四孝爸爸都親自組裝滑梯和鞦韆，又笑言︰「兒子給我的功課！」曉明非常細心砌滑梯，將成個過程拍低，連側旁的貼紙都逐張貼上。能夠在屋企有個私人遊樂場，相信是好多小朋友的夢想。

相片意外曝光豪宅客廳的設計，只係套超巨型梳化香港都冇心屋企放得落，之前為了保護仔仔的私隱，曾在微博發文鬧傳媒，希望保留私人空間。在遊樂場後方，見到曉明擁有大量奶粉作儲備，果然為仔仔做足準備。