【兵仔講兵法】追到女神就好幸福？　之後相處先知味道

熱戀中的男女，任何時侯都係打情罵俏，卿卿我我，仲不時大放閃光彈，就咁睇落當然好幸福甜蜜，但蜜月期一過，男女的真面目先會盡情展現，兵仔千辛萬苦追到女神，幻想之後會快快樂樂生活下去。如果你真係咁諗，只能講句「唔好太天真啦」，這個時侯才是考驗你們能否繼續下去的關鍵，尤其是遇上女友的惡劣行徑，令男仔一係忍到變咗忍者小靈精，一係嗌大交收場，以下五大惡頂行為，你女友中咗幾多樣？一樣都無，恭喜你，快些結婚啦。

講到男女拍拖時女友難頂行徑，其實又不是什麼大奸大惡的事，只是會令你好難堪，例如陪她到內衣店揀Bra揀內褲，又或者每個月有幾日唔方便，叫你到超市買M巾之類，雖然無傷大雅，但係好多男仔都唔想做，下場就係被女友指責「你都唔愛我嘅」、「做少少事都詐型，點行落去？」，講到咁唯有認衰仔，但久而久之，感情難免受到影響。

劣行一：逼你跪地認錯

相信好多男仔都知道，唔好同女友講道理，有乜爭執最後都係你錯，咁係「有錯要認，打要企定」的原則下，若然女友要你當街跪地認錯呢？話晒男兒膝下有黃金，大街大巷要跪地認錯，真係乜面都無晒，不過唔好以為無男人肯咁做，你睇下「14巴港女」單新聞，就知乜嘢叫一個願打，一個願捱。

劣行二：逼開聯名戶口

男女拍拖之後，你嘅錢已經唔再係你嘅錢，為了將來當然要有計劃，而最普遍的做法就是開聯名戶口一齊儲錢，之後每個月要入錢落去戶口，想買乜嘢要問過女友，你的財務狀況女友瞭如指掌，如果你買咗嘢無申報，咁你大鑊啦，實係嘈交收場。

劣行三：周街同人嘈交

好多人以為男人先會牛脾氣，其實女仔都可以好橫蠻，尤其是香港地人逼車多，去下旺區都碰撞難免，真係同人嘈起上來，做男友點算好？幫口定幫手？還要視乎同你們嘈交一方嘅戰力指數，萬一唔好彩俾人打一身，確是幾麻煩。

劣行四：逼你問路

男仔基本上認路能力會比女仔優勝，但凡事都有例外，同女友去到一笪陌生地方，老實講唔識路咪用手機Google地圖，簡單又快捷，偏偏有啲女仔會叫你周街問人，但又未必問到結果，最後得個煩字。

劣行榜第一位：人盡可夫，只有你無份

拍拖後女仔依舊守身如玉，每次你想更進一步，她都會話留返重要嘅嘢結婚之後做，當你被三番四次拒絕後，作為男仔一定會相當無癮，不過咁都算，尊重女方意願，但有一日你在朋友口中得知，她背着你跟其他男仔發生了關係，而且不是單一事件，之後想唔分手都好難。以上確是真人真事，希望這些不幸沒有發生在大家身上啦。