【降魔的番外篇】 楊潮凱唱歌最驚喜　傅嘉莉現身彩蛋

無綫重點發展Big Big Channel，網劇《降魔的番外篇——首部曲》成為試水溫之作，雖然反應未如正劇《降魔的》大受歡迎，但看得出是誠意之作。男主角之一的楊潮凱更為劇集初試啼聲獻唱主題曲《宿命》兼作曲作詞，叻！

他接受訪問時透露《宿命》用了兩天時間創作，主要是想記錄這次的拍攝點滴。「拍完大結局之後情緒一直平伏唔到，所以當晚就寫咗呢隻歌，當係宣洩或記錄都好，首歌其實講好多嘢都係整定，包括遇到小三（鄧佩儀）或古尼（黃建東），所以叫《宿命》。」首次入studio錄音，楊潮凱為求完美所以前後花了3天時間，他為此特別感謝負責監製的好友阿偉以及Jeremy。「上次首映之後播咗隻歌，第一次喺大銀幕上見到同聽到自己作品，即時recall返所有情緒同記憶，當下係有少許激動。」

將於今晚Big Big Channel上架的《番外篇》劇場版，除有《宿命》聽之外，亦有彩蛋發放，故事主要圍繞楊潮凱同鄧佩儀，雖然只係幾分鐘彩蛋，但一樣有驚喜：就係搵咗傅嘉莉客串，不過佢會做啲乜，都係留返大家今晚自行揭曉啦。