趙學而4月殺入紅館只開1場 ：多謝網民集氣推我上紅館

TVB音樂節目《流行經典50年》自播映以來都大受歡迎，不少久未露面的歌手亦都在節目中相繼露面，給樂迷十足的驚喜。今日更請到趙學而到節目上演唱3首經典歌曲，《每隔兩秒》《自欺欺人》《最佳位置》，首首歌都好有回憶。

不經不覺，趙學而由第一隻個人大碟《每隔兩秒》，已經陪着大家22個年頭。適逢上年趙學而在澳門舉辦了演唱會而又反應熱烈，今年趙學而更會在香港紅館再開1場演唱會。趙學而接受《香港01》訪問時說，「多謝所有網民同埋朋友極力集氣推咗我上紅館。今年好開心就會喺4月尾嘅時候，喺紅館同大家見面。」

雖然有網民説演唱會只開1場，實在是不夠。不過趙學而表示：「我覺得好多嘢都係貴精不貴多，因為我可以將精力集中係1場入面。同時亦都可以俾大家羨慕下，因為紅館剩係得萬幾個位。萬幾個位，手快有手慢冇，呢個遊戲真係好好玩㗎，哈哈哈。」

其實行內一直有個傳聞，就是紅館只開1場一定會蝕錢。趙學而說：「其實好多謝承辦商幫我開呢個演唱會，計過度過之後其實又唔會蝕錢嘅。都係果句啦，我個人鍾意『貴精不貴多』，想專心搞好場演唱會。」

關於演唱會的歌單，趙學而就說仍在研究中。唯一可以透露的就是將會有一些sidetruck的歌單以及會唱別人的歌曲。趙學而說：「你都知啦，趙學而曾經有一個朵（稱號）叫做『翻唱王』。」至於大家最期待的嘉賓名單，他就說尚在考慮中。「如果今次有嘉賓，我就希望會特別啲，搵一啲同我係音樂上面有合作過嘅。」不過他亦表示希望來臨的嘉賓，作為觀眾是為她而來，而非上台演唱的嘉賓。

大部份90後或者00後只係記得林玉露（劇集《皆大歡喜》她的角色），正好趙學而今晚出現在電視城。問及她會否回歸拍劇，她說：「唱歌好拍劇好，其實我都好open。只要係個角色啱，我都會接㗎，只不過近呢兩年唱歌嘅工作比較多啲囉，所以我哋冇任何限制㗎。」趙學而仲話：「如果有機會或者有角色啱，你哋可以隨時搵我㗎。」相信大家都好想睇到林玉露回歸，同家燕姐一齊唱「唏唷唏唷唏」都好吖。