《波士早晨》終於出街　李佳芯唔怕再見3年前舊樣：擔心太幼嫩

民選女神李佳芯近年人氣急升，先有《巨輪II》被鷲哥掌摑一炮而紅，嶄露頭角的Ali乘勝追擊在上年2017連續有新劇《與諜同謀》、《踩過界》、《誇世代》輪住播，可以話相當入屋，觀眾都記住了她的面孔。Ali更憑《踩過界》在前哨戰《星和無綫電視大獎2017》首奪「我最愛TVB女主角獎」，搶先成為視后，前途可謂無可限量。

大台當然不會放過機會，趁李佳芯正值氣勢如虹，在《誇世代》1月播完之後，拿出3年前Ali有份參與但慘被雪藏的劇集《波士早晨》，這部劇由陳慧珊、黃智賢主演，而她則是與洪永城做對手戲，二人在戲內飾演情侶。通常倉底劇都不被大家看好，今次《波》封塵3年，Ali一點也不擔心劇集收視：「雖然擺咗3年，但係都唔怕收視嘅，因為當初拍嘅時候覺得套劇係得意，始終都係輕鬆劇。聽聞剪到15集，如果係真嘅都幾精華中嘅精華，輕鬆嘅劇不嬲都受歡迎，所以唔擔心。」

雖然不怕收視，但全世界女生怕的都離不開一件事，就是怕自己在鏡頭前不好看，Ali說：「反而擔心見返自己3年前嘅演出啫，擔心以前嘅我太幼嫩，同埋驚做得唔好多啲囉。」相信Ali不用過份擔心，皆因今早洪永城在IG宣傳劇集《波》時候同時又大讚Ali容貌3年沒變，依然是靚樣，而Ali的演技大家也很放心，《波士早晨》將在 2月12日八點半出街，Ali又會在大台的黃金時間出現了。