【溏心風暴3】米雪演活刻薄難頂上等人　一輪嘴力數王浩信無樣好

無綫50周年台慶重頭劇《溏心風暴3》入面說話最刻薄的，可以算是大許太Amelia（米雪飾）喇，外表高貴斯文成個上等人的她，其實把口好犀利。米雪一向都好憎黃家一家人，睇他們個個都唔順眼，嫌棄他們出身草根，所以就好反對個女Belle（岑麗香飾） 同Kyle（王浩信飾）拍拖。在她眼中，只會覺得有錢有地位有家底的男人才可以配得上Belle，而要追到Belle，就當然要先過她這關啦。

今晚播出的第28集入面，米雪就發揮她要幾mean有幾mean的本色，力數Kyle足足10個無！她趁正媽 （李司棋飾）行開了，就同細許太 （莊思敏飾）開始講起Kyle，當莊思敏話覺得Belle同Kyle都幾襯，又話兩個可能會慢慢發展成為情侶，米雪即刻落晒閘話：「我個女點都唔會睇得上呢個奶茶仔！」根本就是她自己睇唔起Kyle，仲連珠發炮咁數落Kyle說：「嗰個Kyle十個無，無學歷、無本事、無品味、無修養、無風度、無內涵、無人脈、無地位、無遠見、無家教！」結果畀正媽聽到，梗係嬲到出煙啦。邊個男仔如果見女朋友家長時，遇到個好似米雪咁樣的未來岳母，應該都好難可以pass喇，十個無真係好易中。