【爸爸去哪兒】Jasper善解人意又識下廚超得意　應采兒大感安慰

有睇開內地綜藝節目《爸爸去哪兒5》的都知道，6位萌娃（Jasper﹑小泡芙﹑Neinei﹑Max﹑嗯哼﹑小山竹）各有個性可愛到不得了，紛紛收穫了不少粉絲。其中Jasper最深得人心，自節目播完之後大家都對他依依不捨，不過幸好媽媽應采兒不時會在社交網站上貼他的日常點滴，就好似昨日（3日）就上貼了他煮菜的照片，萌萌認真下廚樣超可愛，短短幾小時就獲得超過7萬個讚，魅力超強勁。

9張相片中展現了Jasper不同下廚樣子，不時見他整理蕃茄似模似樣；攪拌亦有條有理；而且仲祼上半身整理食物超可愛，一時又圍着圍裙的他學做Pizza似足專業廚師，就連媽媽都對他十分有寄望：「Jasper今天學會的cheddar biscuit with ham，媽咪不需要你會下棋、會畫畫、會彈琴！但是希望你…會做飯，這靠譜吧？ 」睇嚟應采兒的期望全放在仔仔身上，皆因她曾在不少節目中表明自己不會煮飯，之後有仔仔這個廚師在，應采兒想食咩都得啦！

過去Jasper呆萌又善解人意的個性，已經受到大家喜愛，現在又加上會下廚的優點，絕對是無得輸，因為男人識下廚係加晒分。不少網友都大讚Jasper下廚最靚仔，未來成為專業廚師也說不定呢。