謝霆鋒化身Chef Le Mon又再入廚獻技　隔住個芒都睇到流口水呀

謝霆鋒廚藝出色就係人都知，不過好多人都只是有得睇無得食，有幸試到他手勢的，暫時就只有他的親朋好友。昨晚霆鋒又再化身Chef Le Mon大獻技，宴請陳奕迅（Eason）和徐濠縈夫婦、容祖兒與男友劉浩龍（師兄）等幾位老友。而他們都分別在自己的instagram上載當晚的菜式，還有Chef Le Mon大顯身手的片段。Chef Le Mon出手煮的當然不會是一般住家菜啦，而是可以媲美餐廳水準的fine dining。霆鋒炮製了很多道菜式，由前菜、主菜到甜品都有齊晒，每一款的賣相都好吸引，真係隔住個芒都睇到流口水呀。

於ig的片段中見到身穿白色V領Tee的霆鋒好認真咁烹調美食，比起早前他出活動時穿得比較浮誇同chok到爆的look，呢晚的霆鋒明顯是走樸實路線，不過他煮的菜式就相當「華麗」，大曬廚藝。當霆鋒炒完飯倒入大碗裏的時候，Eason就播出了霆鋒的經典金曲《活着VIVA》，霆鋒即笑住大叫Eason個中文全名，相當搞笑。而師兄則在其中一張霆鋒煮嘢的相上寫了活着Biba。