【007】製作人露口風：下任占士邦不排除由女性或黑人擔綱演出

經典系列電影「007」長拍長有，24部電影先後有6任占士邦，英國男星丹尼爾格力（Daniel Craig）2014年拍畢《007：鬼影帝國》時指，自己不想再做這位MI6特工：「我情願割脈都不會再演占士邦。」雖然喺電影公司哀求同銀彈攻勢下答應繼續拍下一集《007》，但外間都開始猜測下屆占士邦人選。據《每日郵報》報導，《007》製片人Barbara Broccoli鬆口指，不排除下任占士邦會由女性或黑人演員出任。

自丹尼爾格力（Daniel Craig）2014年公開表示唔再飾演007，呢三年期間誰是下一位占士邦呢個話題不絕於耳，曾經有傳會由黑人影星演出，但其實早在2014年Sony Pictures遭黑客入侵時，就有一封內容為「艾迪斯艾巴(Idris Elba)應是下一位占士邦」嘅電郵流出。。《007》製作人Barbara Broccoli接受英國《每日郵報》訪問時話：「呢個系列電影往往反映時代變化，我們亦會嘗試推動更多。」被問到黑人或女演員又可否擔此角色，Barbara 就話：「一切皆有可能，我對丹尼爾格力非常滿意，但又有誰會知未來會發生甚麼事。」

歷年來6任占士邦都係白人演員，丹尼爾格力（Daniel Craig）自2006年《007：智破皇家賭場》開始演出占士邦一角，其後於《007：量子殺機》、《新鐵金剛智破天凶城》、《新鐵金剛之鬼影帝國》4度飾演007。14年佢曾經公開講過唔再飾演呢個角色，講足三年到今年7月終於鬆口接下第5部《007》電影，預計會喺2019年上映。