聖誕節袁詠儀ig曬禮物未見最愛Hermes 唔通向張智霖暗示？
撰文：張嘉敏
出版：更新：
又到聖誕，又到聖誕！聖誕節就當然要收聖誕禮物先有節日氣氛啦！如果收到一些「唔等使」的聖誕禮物就無咁開心囉！但如果好似袁詠儀（靚靚）咁收到各大品牌的聖誕禮物，不單止好開心，仲要開心share影相post上網添呀！可以多謝送禮物的好朋友之餘，又可以大曬自己人緣幾咁好。收聖誕禮物收到好似靚靚咁係威嘅！
由於靚靚袁詠儀收到的聖誕禮物太多，要多謝的人都太多，所以她要把聖誕禮物分類出post，更post足三日來多謝大家。第一日袁詠儀就多謝各個美容品牌，第二日就輪到一大堆美食hamper，包括糖果朱古力和美酒，還有冬菇海味，真係全家大細都啱食。第三日就到了多謝服飾品牌喇，衣服配飾樣樣齊備，成日換款都得啦！不過咁多聖誕禮物入面，卻未見袁詠儀最鍾愛的名牌Hermes手袋，睇來老公張智霖要識做喇！