陳柏宇粉絲聚會得戚話聖誕買新車　送自己畀老婆做禮物

忙足一年嘅陳柏宇今日喺上環蓮香居搞咗個《陳伯茶聚》，同逾2百fans聚會，Jason表示雖然是公司負責租借場地且自己很少飲茶，但他就十分滿意今日的安排：「以前初初移民去加拿大，因為婆婆喺酒樓做嘢，嗰時好鍾意嗰度嘅雞翼，講起都好懷念。其實上星期先同fans搞咗個生日派對，但其實我7月生日，一直都無時間，但我都想見他們多一點，所以再搞多一個聚會。」他又千叮萬囑fans不要浪費錢買禮物，「寫信或者送相簿比我就最好，寫信告訴我最近忙什麼或生活得如何。送禮就真係唔好，因為我自己如果有喜歡的東西會好捨得買，所以我歡迎大家折現。」

Jason表示聖誕將會有一日假期，他已準備好禮物送給老婆，不過聽落都幾無誠意。「佢出年年頭會請我去旅行，而我就送出自己，陪佢去旅行，哈哈！」他之後再補充自己最近最了架近百萬嘅Range Rover SUV新車畀自己，前日去取車時更叮囑老婆上車開門時要加倍小心。
 

Jason今年終於一完紅館夢，問他今年是否特別豐收，他笑言自己年年都十分豐收兼過得有義意。「我估接下來最有意義的事情將會係生小朋友。」他透露雖然一直有實行造人大計，而太太亦有努力養生，但暫時未有好消息要公布。「不過我覺得隨緣啦，自己都叫盡咗力。聚會上，Jason幾乎連主持都做埋，玩「收賣佬」遊戲時，更逐圍走去吹水，之後又自改run down，將獨唱環節改為與fans對唱，而活動結束前，他更與各人合照。