【我的男孩】41歲林心如孖25歲張軒睿談情 似足母子戀好尷尬
撰文：蘇國豪
出版：更新：
講起圈中女星明明年紀已經好大，還敢於挑戰少女角色的大家一定會想起劉曉慶，2014年出演《隋唐英雄》以60歲之齡出演16歲少女，意外成為大家討論話題。事實上除了她之外，今年林心如出演台劇《我的男孩》以41歲之齡出演少女，搭檔1992年出生25歲的張軒睿，上演一場姐弟戀被批得一文不值。隨著劇集後期製作完成，將於22日首播劇組就率先播放一段先導片，睇到大家不忍直視，二人完全唔襯點睇都唔似情侶，更似是一對母子戀，違和感極重完全零吸引。
《我的男孩》主要圍繞林心如飾演的羅小菲，因為在愛情路上總是巧遇不到懂自己的人，因此慢慢對愛情失去信心，直到遇見張軒睿飾演安慶輝，她才找回愛情感覺。無論在劇中還是現實世界張軒睿都配合自己年齡，飾演一位大學生活力四射，只不過林心如在劇中與現實世界年齡相差甚遠，飾演30歲熟女將與他展開一段愛戀，從現實生活計算二人相差16歲的愛戀，令不少電視友反感。
從預告片中看，張軒睿身為一位學生無疑就是做自己，無論對愛情﹑未來等的渴望始終單純；而林心如演出比自己真實年齡還少十歲，在劇中還不時對著張軒睿撒嬌，令人十分受不了。仲有仲有一幕林心如還在車上與他接吻，突兀感極重實在令人睇唔落去。一幕幕的他與她的甜言蜜語整個畫面有違和感，不少電視友睇完短短的預告之後，更表示睇唔落去更建議林心如唔好再演這一類型角色。
+5
事實上，林心如在去年出演古裝大劇《秀麗江山之長歌行》出演18歲少女已經被吐嘈一次，今次《我的男孩》又再次被吐嘈，睇嚟她出演這一種戲路都不被睇好。《我的男孩》作為她生完小朋友之後首復出的作品，如今未播就已經引來大家批評，到底好唔好睇真係要睇睇先知啊！