Kpop界手指心已經out？　快跟NU'EST W、JBJ學整大型人體心心

Kpop界韓星們影相花樣百出，淨係畀心心都有過百種款式，N款手指心心，既有喺外套拎心心出嚟、手臂心心、頭頂心心等，數極都數唔完，目的都只係得一個，就係向各位Kpop粉絲表達滿滿嘅愛意喇！

先講天團級嘅BTS防彈少年團，成員Jin呢期就興唔用手整心心，反而用紅色心心紙貼喺衫、外套、眼鏡、冷帽等物件上，甚至連抹汗張紙巾，都要撕成心形用來氹A.R.M.Y（BTS粉絲）開心！真係叫人「如何可以不愛他～」呢？

而其他韓國組合，就流行用身體組成大型心心送俾fans，好似NU'EST W成員JR（金鐘炫）、Ren（崔珉起）、Aron、白虎（姜東昊），以及JBJ成員高田健太、HOTSHOT盧太鉉、Topp Dogg金相均（A-Tom）、金龍國、權玄彬、金東漢等，就會同隊友一齊擺出大型心心，呢期更在Kpop界掀起新潮流，唔再只係畀手指心心咁簡單！

不過NU'EST無論4個人定5個人（黃旼炫正以Wanna One身份活動中），都無法擺出正常大心心，佢哋早前已經失敗過好多次，就連最近11月來香港擺出嘅大型心心都叫人摸不着頭腦，睇唔明佢哋擺啲乜！然而有人數優勢嘅JBJ就親身示範咩嘢叫做大型完美人體心心，唔知係咪因為就到聖誕節，JBJ仲將心心改版做星星。喺粉絲活動上，JBJ更輪住以盧太鉉、高田健太、金相均、金龍國、權玄彬、金東漢不同成員做中心，其他人就以手掌砌出星星拱照中間成員，講真做Kpop偶像真係少啲創意同誠意都唔掂啊！

朴寶劍睇完IU孖河智苑潤娥撐BTS　朴敘俊朴炯植《花郎》聚會

另外，記者都建議7人組嘅MONSTA X成員Shownu、元虎、民赫、基賢、亨元、周憲、I.M都可以做埋人體大型心心或者星星！事關元虎早前就喺活動上為咗MONBEBE（MONSTA X粉絲）想做手臂心心，不過可能元虎身材太好又着住西裝嘅關係，佢一合埋手㬹就即時令腋下個位爆開咗！如果元虎同MONSTA X其他隊友，可以一齊擺大型心心嘅話，就唔會有呢個問題啦！

MONSTA X元虎爆衫：

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/