《性在有情》傳被刪甜 女主角陳敏之：呢套劇係老少咸宜
撰文：林迅景
出版：更新：
TVB實施「禁色令」之後，不少劇集節目都要因應措施而被迫「減甜」刪減內容。繼《溏心風暴3》之後，下一個需要「減甜」的劇集好有可能就是已在myTV SUPER上架，並於下星期日在電視播出的《性在有情》。
《性在有情》主要講述飾演社工的張兆輝以及老婆陳敏之兩公婆性生活上的問題。聽落好似會有不少情色成份，其實是一套創新而有教育意義的劇集。據知本來22集的劇集，也會刪減變成20集。
至於劇中飾演「性治療師」的陳敏之會否擔心這部具教育意義的劇集，被刪剪敏感鏡頭呢？陳敏之接受《香港01》訪問時説：「首先我唔評論有冇刪減劇情呢個問題，因為套戲都未上，又點會知cut咗呢。同埋我哋呢套劇係老少咸宜，係喜劇嚟，所以我覺得唔會cut囉。佢係用一個好新鮮嘅方法嚟講性，全部都係正面嘅。所以我係唔擔心嘅。」
之不過，所謂「唔怕一萬，只怕萬一」。TVB高層的想法，並不是平常人猜度到的。如果真係刪減劇情，令到《性在有情》的原意唔同咗又點算呢？陳敏之：「公司決定得嘅我都唔會擔心，同會好支持。因爲唔會cut哂㗎嘛，就算cut咗啲，原先個意思都會喺度。但係我都唔覺得佢會cut。」睇嚟陳敏之對套劇真係好有信心咁喎。