陳豪突然活躍IG谷咖啡店：我哋咁多粉絲，可以自己Promote自己
撰文：林迅景
出版：更新：
陳豪近來的Instagram平台突然之間多了很多陳豪生活上和煮咖啡的貼文，原來陳豪近來積極籌備自己的咖啡生意。陳豪接受《香港01》訪問時表示，關於咖啡生意的新計劃，下星期一就會公佈。不過陳豪點解會開始「玩IG」呢？
陳豪接受訪問時說：「坦白講，我個social media差唔多冇理過咁濟，直至2個星期之前，先至叫做正式開始，先去學點用social media去宣傳同sharing。」
「我覺得作為藝人，唔好倚賴太多公司去promote自己，我哋每個人都應該自己去promote 自己。同埋我哋咁多fans群同觀眾，亦都要同佢哋分享我哋嘅生命上發生嘅事。坦白講我仲係新手開始去學咩叫social media。」
當然，經營social media肯定一個不簡單的工作，其中與粉絲留言互動就肯定是少不免的。不過唔多見陳豪覆粉絲嘅留言。「坦白講，我都想，不過我真係好忙，要照顧小朋友，又有自己嘅咖啡生意，仲有我自己嘅演藝事業。哈哈，唔係我唔想，不過我只係玩咗2個星期，大家真係要俾啲時間我慢慢嚟。」不過，陳豪話自己有時間都會盡量覆留言，各位亦都不必太擔心。
陳豪在《香港01》訪問中更提到自己以前玩social media的經歷。「以前ICQ年代我都有玩，嗰時我係直接同fans react。跟住發覺，『幣啦』，一個之後呢，廿個，一百個，一千個。『哦喔』響唔停，之後我覆唔切，就冇再入啦。」