【溏心風暴3】打女楊柳青首入大台拍劇：其實好期待喺TVB拍劇

《溏心風暴3》有一個特點，就是出鏡的女角色十分之多，除了公司入面一堆員工之外，黃宗澤(Bosco)在戲中多達22名女友也是一個原因。不過講到最索，一定是今晚出場的楊柳青(Wiyona)，她今次是第一次入TVB拍劇，雖然應該只是客串幾場的性質，不過都已經足夠搶眼。

大家可能未必對她有很多的熟悉，其實Wiyona在2006年已經出道做模特兒，拍過不少廣告和MV，更加和天王劉德華合作拍過Osim天王椅廣告。現年30歲的她依然保持著一幅完美的身材，加上靚樣，實在是迷死不少男性。今次她是飾演黃宗澤其中一個女友，原來Wiyona已經不是第一次跟Bosco合作，在2008年的時候，她已經為Bosco做過唱片的封面女郎，而且仲要面貼面勁親密！

人人都知TVB拍劇會好辛苦，唔知Wiyona又覺唔覺得呢？在接受《香港01》訪問時她說：「其實辛苦無乜，但係好難忘，始終第一次TVB拍劇，點都會有啲緊張。最緊張係一場打戲，係我同Bosco加埋翠如嘅動作戲，我要去side kick翠如，你知著住高跟鞋，有啲位置角色拎得唔好會整親佢，嗰個位都練咗好耐，好深刻。平時學打有拳袋，翠如唔係嘛，又唔可以打到佢。」

不過入得TVB就要努力做喇，話晒全香港都可以免費睇到，的確是一個好好的宣導渠道，她表示：「其實做演員都好期待喺TVB拍劇，仲要係重頭劇，我係好開心嘅，好多謝家豪哥俾呢個機會我。而我本身係一個武打演員，角色又係武打演員，所以真係覺得自己好幸運，可以參與之餘仲可以做返自己同類型嘅角色。」