【反黑】「港味」全靠單機拍攝　宋本中堅持香港製作：效果係唔同

網絡劇《反黑》出街之後回響極佳，在網民一眾正評之下，劇集快馬加鞭開拍Season 2，昨日（6/12）劇中演員張建聲、陳雅婷連同導演宋本中一同獲邀出席頒獎禮，宋本中表示劇集反應如此熱烈是他始料未及，他很開心香港製作獲得大家認同，他說：「《反黑》真係100%香港製作，好多人以為我哋係大陸嘢，但其實全部都係香港基金投資，全部景都係香港拍，我哋係回饋返香港社會。」的確香港雖然一直都有「古惑仔」題材的港劇，好像是Laughing哥、爆Seed這類爆紅角色，但總是缺了點什麼，宋本中覺得大台的劇集大多在廠景拍攝，這是他們的致命傷，他說：「佢哋成日都喺個廠度拍，係唔會有陣港味，我哋唔同係用單機拍攝，個效果係唔同好多。」他特別指出《反黑》的劇本是要反映社會，內容圍繞97回歸後的香港，觀眾看起來才會有共鳴感，這是劇集成功重要支柱。

打從一開始拍《反黑》的時候，宋本中已經計劃這是三部曲，總共有三季，而且每一季都會配搭電影推出，可惜當時第一季的電影計劃胎死腹中。但第一季播出之後反應奇好，獲得各方面支持投資，宋本中拍心口保證今次第二季會有電影版，他說：「本身大家都唔睇好我哋，但我哋終於做出成績畀大家睇，劇集對象唔再只係停留喺香港幾百萬觀眾，而係全球以億計嘅觀眾。」

問到第二季會否有新角色加入時，宋本中大賣關子不肯透露，只透露說下季將放到全球最大的劇集平台播放，難道是最近頻頻買劇Netflix的，他故作神秘說：「反正大家想要有嘅古惑仔我哋今季都會有，你諗得嘅出都會有。」宋本下放話給網民公投新加入的古惑仔角色，他會拿來作參考：「想睇邊個可以同我講，網民留言我都會睇。」機會到了，大家不妨留言告訴他，可能陳浩南真的會出山，與山雞陳小春再做兄弟扮古惑仔。