【最佳拍檔】《皆大歡喜》無梅小惠苑瓊丹　11集嘉賓邊啲係真經典

為慶祝TVB 50周年嘅特備節目《最佳拍檔》，由黎芷珊主持，訪問一眾歷年來嘅經典合作伙伴，十一集訪問已經播放完畢，下星期嘅《最佳拍檔絕密檔案》應該係各集未曝光嘅片段剪輯而成。壓軸一集訪問找來長壽處境劇《皆大歡喜》主要成員，薛家燕、阮兆祥、廖碧兒、鄧兆尊、陳彥行齊齊分享拍攝趣事，不過居然無集集都見到嘅梅小惠苑瓊丹及趙學而，莫非當年嘅不和傳聞係真嘅？

《皆大歡喜》古裝版及時裝版本，兩輯合共拍攝768集，喜劇兼群戲居多，薛家燕等一眾演員幾乎集集都有現身，用最佳拍檔形容佢地絕不為過，不過呢日就未見梅小惠苑瓊丹及趙學而，全集訪問中亦鮮有提及佢地幾位名字。有傳苑瓊丹當年不滿拍攝期要遷就家燕姐曾爆發衝突；而梅小惠及趙學而亦曾因遲到問題結怨至今。唔知係咪因為這個原因，所以是次訪問未見三位現身。

不少觀眾看畢11集訪問，例如曾志偉、陳百祥、鄭丹瑞，以及苗僑偉、黃日華、湯鎮業，嘉賓之間相識多年感情深厚，交談之間未有隔閡火花四濺，相反某些集數嘉賓只合作一兩次，雖則同為經典作，但對話之間就住就住未見熟稔，似乎只為湊合拍攝。11組嘉賓，邊一組係你地心目中嘅「最佳拍檔」？

黎耀祥、鄧萃雯

合作：《巾幗梟雄》、《巾幗梟雄之義海豪情》

第二集：曾志偉、陳百祥、鄭丹瑞

合作：1994年度香港小姐競選、1997年度香港小姐競選、萬千星輝賀台慶1997

第三集：歐陽震華、陶大宇 、蘇永康

合作：《壹號皇庭》系列

第四集：陳豪、蔡少芬

合作：《洛神》、《陀槍師姐III》、《火舞黃沙》、《珠光寶氣》、《飛女正傳》、《金枝慾孽貳》

第五集：苗僑偉、黃日華、湯鎮業

合作：與梁朝偉、劉德華有無綫五虎將之稱 《楊家將 綜藝節目：星光熠熠競爭輝1983》

第六集：夏雨、李司棋

合作：《逐個捉》、《香港蛙人》、《溏心風暴》系列

第七集：李思捷、王祖藍、阮兆祥

合作：《荃加福祿壽探案》《荃加福祿壽》

第八集：胡楓、曾江、許紹雄

合作：《歡樂今宵》

第九集：林家棟、周海媚

合作：《大鬧廣昌隆》

第十集：盧海鵬、林建明、戚美珍、賈思樂

合作：《歡樂今宵「蝦仔爹哋」》

第十一集：薛家燕、阮兆祥、廖碧兒、鄧兆尊、陳彥行

合作：《皆大歡喜》