森美WhatsApp勁like杜汶澤好hehe　田蕊妮：無錯，我是幸福的！

一直以來，大家都覺得杜汶澤為人直率，容易得罪不少人，早前他到商台接受《一圈圈》訪問後感到不快，直接在Facebook打文開火就知道。不過，正當所有人都將「直率」、「多言」與杜汶澤掛勾時，有人卻十分欣賞他，說的就是森美。

話說田蕊妮在Facebook分享，講到森美特意Whatsapp她，表示好鍾意杜汶澤，內容如下：「蕊妮，我係森美呀，我啱啱同你老公做完訪問，我想同你講我好鍾意杜汶澤，我覺得你好幸福，我好想攬下佢，但係又覺得好老土，好hehe,你幫我同佢講我好鍾意佢，你幫我攬下佢吖。」

田蕊妮收到WhatsApp後有感而發，在Facebook講道：「近幾年，我聽得最多的就是『叫你老公講少句啦』重複又重複的聽，漸漸形成了一種催眠的作用好像是杜汶澤說什麼都是錯的。我明白那些人都是善意的提醒，但又有幾多個是真真正正知道或聽過他説了什麼？還是聽到別人說杜汶澤好多口就標籤了他？」田蕊妮作為杜汶澤最親密的人，她形容杜汶澤是：「聰明又是最愚蠢的人，他很容易了解到每件事情的核心問題而往往又會衝動地做出了一些愚蠢的行為。」這些行為令他們兩公婆有衝突，但田蕊妮就覺得無人係100％完美，大家都以為做老婆的阿田好忍得，但阿田就話佢嘅好，全因為有杜汶澤：「他捨易取難，没有把重心放在做人的技巧之上，而是不斷地學習如何做一個更善良的人。雖然過程是很痛苦，中間亦有很多讓人憤怒，無力或脆弱的時候，他卻明白到這是個必經過程。我是衷心的欣賞他這份勇氣。」最後阿田更多謝森美：「多謝你在這個世代中看到了他的好。無錯，我是幸福的。」

睇見都覺得sweet，老公杜汶澤睇到都留言，非常搞笑：「只不過森美問如果你工作上比人蝦，返到屋企我會點同你講，我咪話：你唔一巴星死佢？」阿田睇到之後，都忍唔住留言講：「唉！你講少句啦！」不過阿澤其實都有人撐，田蕊妮出文之後，小儀都有留言：「你都代我同佢講，我好鍾意你呀！」其實成個post真係好有正能量呀！