韓國男團EXO前成員黃子韜，自從返回祖國及發展後，電影方面，先後同過成龍、何潤東合作，即將上映嘅劇集《談判官》更同花旦楊冪有唔少對手戲。之不過，黃子韜最重視嘅，似乎係唱歌！無論係2015年嘅兩張專輯且或之後嘅單曲，基本上，都由佢本人一手包辦曲詞，今年亦先後去到北京、台灣、南京同澳門舉行《黃子韜Promise巡迴演唱會》。

獲頒「年度原創音樂人獎」嘅黃子韜，對音樂真係好有抱負同野心，單睇佢最近連微博名都改埋就知啦，由原先嘅「SwaggyT-ao」改為「CPOPKing-SwaggyT」，well～C-pop意即中國流行音樂，King都唔需要多解啦……網友見到呢位微博名之後，似乎都笑到碌地，紛紛表示要將自己id改成「武漢吳彥祖」，亦有唔少人指黃子韜活在自己的世界裡出不來。至於粉絲反應呢，當然係狂讚好啦，又話偶像不忘初心、又話偶像本身已經係king……