黃曉明為虐童案發聲　章子怡暗指有「河蟹」獲群星力撐

國內虐童案近期頻頻發生，繼早前上海攜程親子園虐童案之後，北京一間幼稚園嘅小朋友，亦懷疑被老師用針扎及餵食不明嘅白色藥片，導致腳同屁股都有針孔，家長報案後，警方已進行調查，涉案老師同保育員亦已暫時停職，而北京朝陽區教委工作人員就話已經有唔同嘅部門通宵調查，但暫時仲未有結果。「這個事件還沒有結果，請大家能夠相信公安部門，給我們最後澄清一個事實。」不過，其實教委人員講來講去都係話「未有任何結果」、「涉事老師已停職並配合調查。」所以大家都得個等。

事件引起唔少星爸星媽關注，黃曉明更在微博貼出韓國電影《無聲吶喊》，並表示：「希望不一樣的結局。」令《無》片一下子也成了微博的熱搜，而曉明的老婆Angelababy並以簡單「了解真相，保護孩子，刻不容緩！」12個字去表示自己的感受。至於伊能静，先係話有需要幫忙的家長，佢都願意幫手搵律師協助。搵到律師之後，伊能静發文話自己曾救過被父虐的孩子，但現階段最希望事件早些水落石山。而同樣都係媽媽嘅章子怡，就發文表示：「聽說有三種顏色上不了熱搜。」間示微博「河蟹」禁聲，唔少藝人都即時轉發其留言，而網民就大讚章子怡敢說話，並指新浪一直刪留言，行為卑劣。