【爸爸去哪兒】嗯哼好可愛　終於向小泡芙表白：我喜歡你可以嗎？

一星期容易又過去又係《爸爸去哪兒5》的時間，大家有睇開節目的都知道已經接近尾聲，今集爸爸們就同萌娃來到安徽黃山體驗生活亦已經是最後一站，在今站當中因為大家有之前6站的相處模式都已經好熟，所以都玩得好開。其中，杜江囝囝嗯哼更大膽向劉畊宏囡囡小泡芙表白，成個過程有愛又好笑，唔睇真係會走寶啊！

大家都知道《爸爸去哪兒5》一開始嗯哼就已經好鐘意小泡芙，甚至於因為她太可愛而突然在中途親吻她，仲在好多任務中更離不開小泡芙，仲可以唔理爸爸杜江而誓死都要小泡芙在身邊，搞到爸爸都哭笑不得。而因為嗯哼在節目中對小泡芙寵愛有加，觀眾們都認定他們這一對CP，就連嗯哼媽媽霍思燕都認定小泡芙為媳婦，可想而知她幾得人鐘意。

雖然只是小朋友之間的純愛，不過大家都話似足拍偶像劇畫面十分有愛。嗯哼的主動性亦瞬間勾起了不少阿姨姐姐的少女心。相信他長大之後一定是萬人迷。