小S16年後代家姐重拍《流星花園》　 同新杉菜最多對手戲

16年前令F4紅遍亞洲嘅《流星花园》，該片製作人柴智屏早前宣佈將開拍2018版，連核心人物－－道明寺、花澤類、美作、西門及以杉菜都搵好晒人選。消息傳出之後，小S就喺微博發文表示:「我想演！」並直呼最想演家姐大S當年演嘅「杉菜」一角，結果網友都笑佢呢個年紀只能做演道明寺媽媽，明寸佢老，不過如果被人笑完而真係得到一角又點睇呢？

台灣日前就有消息指小S已收到柴智屏獲請，其經理人亦承認確有此事，並透露小S嘅角色將會同女主角沈月有唔少對手戲。當年同杉菜最多對手戲嘅，除咗佢好友小優（楊丞琳飾）之外，就已經係道明寺家姐道明莊同阿媽，而以小S 39歲之齡，相信要做杉菜好友應該都幾吃力……再且，其大情大性形象，同道明莊霸氣又不失義氣的角色十分近似。小S不時都愛在節目中自導自演，今次有機會參與《流》，相信無論做邊一個角色，佢都一定會盡情地發揮。再加上新版F4全部都係小Ｓ最愛嘅小鮮肉，今次真係賺晒。

另外，唔少網友都希望元祖F4可以客串一角，但由於今次《流星花園》為中資關係，故台灣演員人數將會受到限制，單係導演許富祥、飾演花澤類的官鴻以及小S已用去3個名額，所以相信如果要搵元祖F4出現或客串的話，相信會有一定難度。