【澳門賽車】樂瞳目睹意外經過：真係嚇到個心都離埋！

又到了一年一度的澳門格蘭披治大賽車呢個車壇盛事，樂瞳（Cilla）這個小車迷亦趁機去當地見識一下，親身感受澳門賽車的現場氣氛。Cilla這次是應邀到現場觀賞賽事，打扮到靚一靚的她雖然沒有一班賽車女郎咁性感，但她的靚樣搭夠所以都好搶鏡。而她最期待的就是澳門大賽車重頭戲之一「澳博澳門GT盃—國際汽聯GT世界盃」喇：「當中嘅香港賽車手歐陽若曦係我鍾意嘅賽車手之一，希望他可以為香港爭一口氣。」

不過賽事開始不久竟然發生了意外，Cilla親眼目睹事發經過：「睇到十幾架車撞埋一齊，又見到有啲火花，我緊張到大叫咗出嚟，真係嚇到心都離埋。好彩無有人]受傷，大會好快處理好同清理好現場，賽事可以繼續進行。」她更因為太投入叫得太落力，嗌到聲都沙埋。Cilla亦好有興趣落場賽車：「我細細個開始就鍾意玩撞撞車喇，大個咗之後都有考到車牌，好鍾意揸車，但係我曾經唔見咗張車牌，我個人好大頭蝦。」講起她的蝦碌事件，原來她今早在碼頭過關時，先發現忘了帶身份證，結果要家人趕過來拿給她。