林志玲2年前接花球想嫁　Angelababy原來見證姊妹脫單

林志玲同言承旭分合15年，近日於馬來西亞重新「恢復聯繫」，隨即傳出呢個「世紀復合」下一步將會係喺峇里島祕婚……到底真定假呢？林志玲前晚就透過微博表示「有好消息姐姐會選擇大方和大家分享喜悅。」看來好事真的不遠了。

其實志玲姐姐今年都42歲，身邊好友唔多唔少都會替佢嘅人生大事緊張，就好似兩年前，黃曉明同Angelababy於上海舉行世紀婚禮時，去到搶花球環節，當時Baby點名林心如、舒淇、林志玲、李冰冰以及伴娘倪妮上台。花球最終落喺志玲姐姐手上，黃曉明似乎對「賽果」十分滿意，更表示：「沒有靠譜的男人怎麼行」，而林志玲亦興奮得即場許願：「希望明年嫁得出」，林心如、舒淇等人教她嫁得出的必勝秘訣－把花球放在床頭三日，林志玲表示會照做 ，足證一顆恨嫁的心。

其實林心如、舒淇以及志玲姐姐曾被封為「台灣最後剩女」，而林志玲亦曾經話過：「反正台灣剩女三人組永遠是我們三個，看誰先嫁出去！」而喺婚禮上，被點名上台擔花球嘅呢五位女仕之中，當時就只得倪妮公開與井柏然交往之中，但之後好事接連發生，先係去年5月林心如高調認愛霍建華，並於同年完婚兼宣佈有喜，而舒淇亦於去年閃嫁馮德倫，至於李冰冰亦於今年被影到同男友十指緊扣，各自都朝著幸福前進，正當大家以為志玲姐姐無乜聲氣之際，原來佢已靜靜地起革命。