【馬家過聖誕】搵SJ東海銀赫助陣　黎諾懿：好似叫東赫

黎諾懿﹑張達倫和劉丹等近日在韓國拍攝節目《馬家過聖誕》，翟威廉今午開live時就透露將會有韓星做嘉賓，仲話該名嘉賓叫Super Junior，之後翻譯人員就用韓文同佢講係은혁（銀赫）同동해（東海），但佢同黎諾懿似乎都對呢兩位SJ小分隊成員D&E韓星唔係好有印象，仲問：「中文名係咩？啊！好似叫東赫！」

之後有粉絲叫佢問下D&E退伍後嘅心情，翟威廉即時捉住翻譯問邊個成員退伍。Live咗十幾分鐘之後，D&E終於現身，而翟威廉亦即時捉住兩位用廣東話打招呼，銀赫亦有表示：「退伍之好最想見到係粉絲。」翟威廉表示由於呢場戲無自己份，所以佢只能夠在旁做live。