【中國好聲音】製作公司被終止版權合約 第五季繼續胎死腹中
撰文:鄺鈺瑩
出版:更新:
《中國好聲音》自2014年開播以來名利雙收,天價冠名費以及導師陣容往往是焦點所在,但在第四季時,由於製作方(燦星製作)私下註冊商標,引起荷蘭原版《The Voice of Holland》的版權方Talpa不滿,並決定改為與唐德影視合作。但失去授權嘅燦星製作,完全無懼/無視被告,去年至今已打造兩季嘅《中國新歌聲》。
以6千萬美金獲得《中國好聲音》5年授權嘅唐德影視,雖然有意打造第五季,但一直未有動靜,而今日更收到Talpa發出嘅終止合約要求,並要求有關方面繳付餘下嘅4,145萬美金授權費。唐德影視總監毛哲接受內地傳媒訪問時,就透露得到授權之後,因為要先解決同燦星製作嘅法律糾紛,但Talpa同燦星都唔多願意配合,令《中》第五季就算已經搵到導師甚至播放平台,都未能進行,並謂雖與Talpa作出多次溝通,但最後竟然得到終止合約嘅要求。
被問到以天價獲取版權是否值得,總監就話係經過慎重考慮,最後更補充「目前只是因為付款的事情出了問題,還是希望繼續做。」《中國好聲音》最初版權費只係200萬,短短4年間已飇升百倍至過億,面對這肥肉,有誰不心動呢?