【誇世代】勁似阿Rain套韓劇《回來吧大叔》　坤哥又係流落荒島

無綫台慶劇《誇世代》已經播出了第五集，收視平均都有廿幾點，已經算唔錯的了。歐陽震華 (Bobby) 的演技亦沒有令一班觀眾失望，即使他身形似乎愈來愈脹，但仍絲毫無損他強勁的觀眾緣，繼續做大台的福將。好多劇迷都在討論區紛紛留言會支持這套劇，尤其是表示最想睇Bobby演的戲。不過對於這套劇的劇情，特別是睇埋剛播出的第5集片尾，講同Bobby交換了靈魂的吳業坤 (坤哥) 流落荒島一幕，就有不少網民就好疑惑咁提出了一個疑問：「點解套劇咁似阿Rain主演嗰套韓劇《回來吧大叔》嘅？」開始質疑TVB是否又玩抄襲。

到底《誇世代》與《回來吧大叔》這兩套劇有幾似呢？有指兩套劇的套路幾乎一樣，有網民就指出：「又係飛機失事調換身份，大叔變小鮮肉返嚟，改善同家人嘅關係，片尾肇事男主角嘅替身又係流落荒島等待救援，似足9成！」不過都有網民話其實又不是真的咁似，仲讚《誇世代》幾好睇。公平些講句，有些情節，例如大叔變Young之後流落荒島確實好似，但也不代表成套劇是抄的，始終都有好多不同之處，單是《誇世代》講Bobby與坤哥交換靈魂，同大叔意外身死後重生變阿Rain已經好唔同啦，交換靈魂同重生完全兩回事嚟。可能無綫純粹是想向阿Rain套韓劇致敬呢，大家別那麼敏感啦。