【爸爸去哪兒】吳尊同仔女做直播　幫Max揀老婆：大20歲也可以

吳尊因《爸爸去哪兒》已成為模範爸爸，連帶一女NeiNei一子Max嘅一舉一動亦大受歡迎。吳尊日前首次同仔女一齊喺微博開live，短短1小時就已經吸引4千多萬人次觀看，足見節目的威力。直播開始時，NeiNei不時在旁搗亂同做鬼臉，更叫吳尊脫衣服，場面超級混亂，不過，身為爸爸嘅吳尊雖然不停嘆氣，但亦十分有耐性咁同仔女講道理。直播中，有網民提到因女兒一番說話而落淚，吳尊略為驚訝表示：「真的沒想到自己會哭，Neinei說再見的時候我很感動，覺得她很棒、很勇敢。」

除了NeiNei以外，Max的人氣也很高，有網友問點先可以成為吳家新抱，吳尊先把鏡頭轉向工作人員，笑稱「她們會吃醋」，跟着就話：「我知道你們年紀比較大，但是肯照顧他，大20歲也OK。」之後鏡頭再轉向NeiNei，問需唔需搵個男仔畀佢，結果NeiNei依然古靈精怪做鬼臉叫：「不要！給弟弟，我不喜歡！」非常好笑。