黃又南新女友從事珠寶設計　貼地千金打理自家品牌

早前曾公開聲稱自己目前是單身的黃又南，日前就被爆有新女友，有報道指他原來已秘密跟一位靚女千金戀上，兩人被影到一起於太子撐枱腳。據悉這位名叫Sarah Zhuang（莊莎娜）的索女其實是珠寶店老闆莊哲猛的千金，她也是新進珠寶設計師，其創立的自家珠寶品牌也頗出名，成績相當不錯。Sarah與又南年前經朋友介紹下認識，近期愈來愈熟稔，走得愈來愈埋，兩人除了是朋友，在工作上也有合作。

又南與Sarah被指拍拖的報道出街後，兩人並未有公開承認戀情，但據知他們對彼此的印象都極佳，一切交給緣份的安排。講返呢位千金小姐Sarah，真係可以話是內外兼備，眼大大鼻高高嘴細細頭髮長長，典型的標緻樣貌，身材纖瘦得來又充滿線條，渾身散發出健康的感覺。最厲害是樣靚身材正不特止，仲要有才華，又南要好好把握機會呀！Sarah的Instagram就放了大量她的靚相，除了工作的相，也有很多生活照。

睇相可以知道Sarah一定好熱愛運動，見她又滑水又滑雪又潛水又游水，且經常做Gym操練，難怪身材fit到爆，腹肌同人魚線馬甲線通統出晒來，分分鐘fit過又南唔係講笑。難得Sarah大方開心公開她的美好身段，比堅尼相任睇唔嬲，大曬健康性感美。