【降魔的】洪永城由三劇男主角變三劇閒角：拍一集無乜包袱

《降魔的》昨日的預告出現了一個十分驚嚇的場面，就是劉佩玥在的士上被一隻魔鬼引脷舔面，而那隻魔鬼竟然是洪永城(Tony)。很多觀眾都不知道Tony有份拍這套劇集，其實他只是客串身份出場，原來他已經連續在《降魔的》、《使徒行者2》和《誇世代》以客串出份登場。

在今年年初，在《我瞞結婚了》和《味想天開》都是擔正做男一的Tony，突然間連續三套劇都是客串演出，實在有點奇怪。要知道正值上的的他，對上五套劇集當中，有四套是擔正做男主角的，難道TVB要雪藏他？當然不是，在接受《香港01》訪問時，Tony說：「降魔的因為題材吸引喇，監製一問我就即刻應承，因為好玩嘛，拍嗰陣我真係有舔落阿moon塊面度，原來啲妝都幾好食，姐係啲粉。《誇世代》基本上就全公司都有份參與架喇，呢半年我的確係專注喺《退休地圖》同《大帥哥》，但公司嘢緊係幫得就幫，有得參與就參與喇。」在《降魔的》也是客串身份的他，不知道會有多少場戲呢？

其實在《使徒行者2》第一集登場的時候，不少觀眾都已經對他另眼相看，覺得他的演技比起之前進步了很多，在那五個死掉的臥底當中，Tony是最出位的個。對於觀眾們的讚賞，他表示：「多謝觀眾先喇，其實一集課仔，真係唔難做，始終都係一集渣嘛。難嘅其實係一班主角，30集都要keep住個角色嘅狀態，呢個真係難喇，我嗰一集仲要有足夠時間去準備，拍嘅時候又唔係趕，同埋拍一集真係無乜包袱，好多嘢都可以好放去做。喺《使徒行者2》入面，我嘅睇法就係演技一定係慢慢鍛鍊出嚟，多啲試唔同嘅嘢等自己有經驗，無論係咪主角都好，都要多方面嘗試，試多啲唔同嘅角色同埋導演。呢個其實已經係一個鍛鍊，擴闊視野對演員係一件好重要嘅事，如果唔係就會一直原地踏步。」想不到一集的戲份都能令觀眾記得他，在《降魔的》驚嚇登場相信都令人留少深受印象，不知道在《誇世代》他的演出又如何呢？