【使徒行者2】「御用人質」宣萱爆監製臨時加脅持戲:我聽完都笑

撰文:溫菁莉
出版:更新:

見到宣萱你可能會諗起最近她在劇集《使徒行者2》飾演的Scarlett再度做人質,今午Jessica抱病出席「惜食堂」活動時透露都enjoy飾演人質,「我已經好接受,系呢方面都算系一個紀錄保持者。」
非正式統計顯示,宣萱今次又做人質,已經系第26次,究竟邊個咁大整蠱呢?宣萱透露當初《使徒行者2》是邊拍邊寫,「拍嗰陣咁啱有報道話我係『御用人質』,監製見到就話幾好笑,不如系劇入面加一段你又做人質喇,我聽完都笑就話:『你鐘意喇!』」提到今年有兩劇包括《不懂撒嬌的女人》及《使徒行者2》在身的她,飾演的「Mall姐」同「Scarlett」都深得觀眾歡心,更有網友指她是大熱視後,宣萱都話機會唔系無,「頒獎嘅嘢好難講,好多時都未必系大熱門攞,同埋我返嚟TVB拍劇都唔係為攞獎而拍,真系劇本吸引到我,從來收視同獎項都唔系我控制範圍之內。」
講到三哥苗僑偉日前就公開大讚黃翠如演技好,仲可以問鼎今屆視後,宣萱都有聽聞過,「我都覺得佢做得好好,都有贊佢。其實好多人都有機會,又有定欣同鮑姐,當然包括我自己喇。就睇下你好唔好彩。無聽過翠如因為咁樣而有壓力。」至於今年的計劃,她透露會先到內地工作,看來粉絲要等多一段時間先再系電視見到宣萱了。
+4