【最佳拍檔】夏雨為當演員偷渡來香港：差人幫我哋抵壘

老戲骨話多年一定精彩，昨晚《最佳拍檔》就請到夏雨和李司棋一齊上節目，夏雨哥故事相當傳奇，尤其出身，仲戲劇過《溏心風暴》，當年是行山偷渡香港，他說:「我16歲左右嚟香港，陸路偷渡嚟香港，爬大梧桐山過嚟，過程一啲都唔辛苦，帶住個背包，入面有幾塊餅，三個後生仔就過咗嚟香港。」而原本在廣州的他，因為看到張瑛、吳楚帆演出，而立志要到香港當演員，夏雨哥更爆當年偷渡有警察協助，認真意想不到，他說：「由新界過咗沙田叫做抵疊，佢哋就唔拉你，但之前大埔、粉嶺、上水一個個關口，警察保我哋出去，第二日喺人民入境事務處等攞身份証又見到面。」嘩！原來嗰陣警民關係咁好喎。
 

夏雨哥除了講自己偷渡外，更爆當年當小生的辛酸，原來每集只得80蚊酬勞，還要唔準時出糧，他說：「嗰陣邊有人想做電視？男主角連唱歌都係得80蚊一集，養自己都唔得啦，冇人肯做，我咪好多機會囉.....嗰陣係你拍完，助導入單，如果佢哋遲入咗單，嗰個星期就冇糧出㗎，試過經過電視機面前，見到自己瀟洒風流，但其實我未食飯，嗰個星期冇出糧，我仲諗會唔會有日新聞，寫住一個男子餓死喺電視機旁，嗰個就係電視劇嘅男主角。」....當電視台小生，可能要餓死，真係想像不到；而司棋姐就在節目中，爆自己後生時，瞞著家人用假名高京慧參加選美，到複賽才用回真名。