BTS聯乘Line Friends親自設計超可愛貼圖　上架10日破800萬次下載

「世界彈」BTS（防彈少年團）除咗演藝事業發展得蒸蒸日上之外，原來佢哋今年年頭已經同咗Line Friends合作，仲親自設計Line嘅貼圖。今次BTS所設計嘅8款「BT21」系列角色，推出短短10日就已經突破了800萬次下載。BT21喺Twitter都因為BTS嘅連帶關係突破咗42萬粉絲關注，更高達7100萬人次瀏覽，「世界彈」真不愧為「世界彈」。

當中7款公仔都係由BTS 7子親自設計，一筆一劃自己畫出嚟，Army（BTS粉絲名稱）就更係要即刻下載支持自己偶像啦！而且每個公仔都有名㗎（詳見上列圖輯），有啲都幾啱做Wallpaper。其中白色羊駝就叫做RJ，由Jin設計，不過晌Jin畫嗰陣就被Rap Monster嫌棄，話Jin畫羊駝畫到成隻狗仔咁，一啲都唔似！Jin都笑住話：「我依家望住（RJ）個樣，畫唔出佢個身。」而坐晌隔離嘅BT21設計師就好好人，話會幫Jin畫好RJ個身。

（觀看更多）

其實成個設計過程中，BTS都忍唔住互串，Suga指住J-Hope嘅作品同佢講：「如果我係消費者嘅話我唔會買囉，實在係太奇怪。真係俾錢人哋，人哋都唔會買同用囉！」根住又話V畫嘅TATA就算唔駛錢下載，或者免費使用30日都無人會用，然而V就反駁：「我緊係會用啦！講真而家啲人比起可愛嘅Emoji，其實更鍾意有個性嘅Emoji㗎，就好似我自己都係用啲有個性嘅Emoji。」

更多BTS圖片

BTS畫畫片段

我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/