【使徒行者2】袁偉豪唔認為女友買波子：覺得自己afford到先去做
撰文：李妍樺
出版：更新：
上禮拜講到在《使徒行者2》發現天堂哥袁偉豪，豪戴80萬奢華品牌Richard Mille名錶，私底下又買200萬新款波子名車代步，網民個個猜測是否水漲船高，接手做大台一哥薪水多了。事後袁偉豪得知後解畫，解釋原來Richard Mille名錶並非私伙嘢，而是由劇組提供的，而非大家猜測的豪擲80萬豪買名錶，他解釋道：「如果我真係花80萬去買隻手錶，我會將佢儲起佢做首期，我享受個人生活品味，你地見到我社交平台嘅嘢，嗰度係我一大部分，你地見到我用嘅品牌係咁上下。」
果然天堂哥和大家一樣，以上車為最大人生最大理想，為了達成這個目標，他絕不會亂使錢，他接著說：「而且我覺得花咁多錢去買一啲野，係我嘅價值當中係唔值，TUDOR都係三兩萬既野，亦都唔係話過十萬，係我自己嘅洗費模式我覺得已經好夠，顯到我個人品味已經好夠！」聽他的口氣相當踏實，其實人帥穿戴什麼也好看，不用花大錢去充大頭鬼，袁偉豪坩言：「如果要我八十萬買一手錶，我可以話畀你知我未有咁既能力，或者我有都唔會買囉，係我覺得唔值，我想要啲STYLE啲嘅嘢。」
而關於大眾認為袁偉豪買名車是要追上億萬女友張寶兒的身份，袁偉豪就大叫冤枉：「買跑車拉近我同寶兒之間嘅距離，我絕對唔認同呢個講法，車喺我未識寶兒之前已經換咗，人係要向前，人係要追求自己理想，而且呢㗎車二手車唔係新車價，我覺得自己afford到先去做。」
大家不妨參考吓天堂哥嘅個人品味：
+9