【香港網球賽‧多圖】同鄭嘉穎拍住拖睇王薔　素顏陳凱琳一樣咁靚

香港網球公開賽已經進入最後直路賽事，今日由中國的網壇大美人王薔對俄羅斯柏芙露珍高娃，結果王薔以兩局3：6、4：6慘遭擊敗，在4強止步。雖然係咁，不過都無減賽事的精彩程度，即使天氣轉涼並開始打風，但維園依然人頭湧湧，原因當然是王薔這個中國新貴實在太吸引，有新中國網球金花之稱的她在上一場八強的比賽，連陳奕迅也到場助陣，可見其叫座力。

今日四強賽事，又吸引了兩位名星到場觀賞，就是鄭嘉穎和陳凱琳，見佢兩個在觀眾席上十分甜蜜，黐到實一實咁欣賞賽事，就知道兩位嘅感情真係幾多號風球都打唔甩喇。雖然陳凱琳素顏上陣，不過全完無走樣，仲添加上一份天然美。呢個都唔算特別，最特別嘅係大凱琳成22年的嘉穎，拍埋去完全唔似相差咁遠，睇得出佢平時保養功夫都真係做得好好。