【反黑】張Sir陳國坤劇透：無乜邊個好下場

以80年代香港皇家警察為背景嘅網劇《反黑》，集陳惠敏、吳孟達、吳岱融、吳家麗等好戲之人飾演江湖中人，惡鬥陳小春、陳國坤、李璨琛等嘅反黑組。唔少人都覺得《反黑》根本就係《古惑仔》劇場版，但沒有了鳥鴉（張耀揚）、大天二（謝天華）同大飛哥（黃秋生），又哪來完整的《古惑仔》！身為《反黑》核心人物嘅陳國坤呢日接受訪問時，就透露第二季將有更多猛人登場，更預告B1-1將會有大事發生。

《反黑》內地播放平台優酷點擊率已衝破8億，而YouTube頻道，單係預告已經一日有5萬。身為監製兼演員嘅陳國坤都話好suprise，他說播放版權雖然是賣給大陸，但一開始已堅持《反黑》要有香港本地特色，用華人警察拆解黑社會、對抗黑勢力，在零刪減的情況下通過國內的審批，或許對他們來說已經是一個好開始。「其實我哋無特別玩鏡頭或用什麼手法，真係好實在咁去拍，所以好suprise香港觀眾會咁受落。」
 

花了兩年時間籌備，陳國坤說最難是演員部分，尤其是近年身體響起警號的吳孟達。「我真係去求佢，同佢講每日拍3、4個鐘，7日唔得拍夠14日，劇本未有佢已經推，佢話唔拍網劇，後來佢睇咗自己部分嘅劇本，話有得諗，再搵佢一次，佢當時有劇在身，要睇下體力得唔得，到第三次搵佢，叫我俾埋其他劇本睇睇，他說：『劇本好嘢，我幫你拍。』」三顧草廬齊集幾位老戲骨，難得一聚，在片場傾到無時停，就連埋位roll機都話要開支wine飲兩杯，真係快活過神仙。

《反黑》即將迎來第一季大結局，但唔少話事人先後被「蓋旗」，陳國坤更笑言：「其實都無乜邊個好下場。」咁第二季點搞先？對於網民強烈呼喚嘅《古惑仔》鳥鴉（張耀揚）、大天二（謝天華）同大飛哥（黃秋生），陳國坤就好淡定咁話：「呢啲會有。」而且更暗示並非斟酌中，黑有齊，咁白呢？演警察演到深入民心的李修賢呢？陳國坤說李Sir隨時會出現。換言之，真係會有「我最期待的畫面」，但由於第二季最快都要明年開拍，所以大家都真係要等等。

髮型：Tim Chan
化妝：Yanness lee@ndnco.co