【使徒行者2】Mr. White大有來頭 泰國銀行經理精通7國語言
撰文：溫菁莉
出版：更新：
話咁快《使徒行者2》就已經到19集，雖然無第一輯釘姐同爆Seed，反而多了好多新面孔，對觀眾來說都幾新鮮。例如有飾演總警司Madam Cheung的蔣祖曼，另一個則是國際犯罪集團成員梁斯敏（李焯寧飾）。原來飾演Mr. White的丘占輝（James Kazama）都大有來頭，身兼多職嘅佢又是演員又是配音員，仲要係國際model同歌手！另外他仲要識講多國語言，法文，日文，泰文，西班牙文仲有德文，好多才多藝！
+14
原來James從小在香港和曼谷成長，所以連泰文都識！而1997年James就回流香港到劇場表演，同時亦以配音員出道，為亞洲多部著名電影、劇集及動畫片配音，最為人熟悉的就是動畫片《乃出個未來》中「紅魷」一角，廣東話版都由他配。2004年他飛到布魯塞爾定居一段時間，開始在當地學習法文，其後更參與fashion show以及不同的劇集演出。你以為James只係演員同model咁簡單？少年人你太年輕了！
James除了演藝事業之外，更是一個十分有商業頭腦的生意人。在2002年，他在香港開設了一間名為「La Fu」的餐廳，當時餐廳更獲得好高的評價。其後他在歐洲亦有經營餐飲業務，並得到了歐洲和亞洲的高度讚譽，有多本雜誌給予高度的推薦。但最勁嘅一定係佢做埋泰國銀行及電信公司的「數字貨幣發行及運算研發經理」，真係唔做演員都仲有好多路數。