【身後事務所】做陳國邦老公有Kiss戲　徐肇平：媽咪聽到話要接！

陳漢娜（Hanna）及徐肇平今午以劇集《身後事務所》演員身份出席ViuTV節目巡禮。電影界力捧女新人Hanna將首度拍劇，她在劇中飾演同性戀者，「拍劇要睇曬前文後理，因為劇集會跳住拍攝，要好清楚唔好搞錯。 」

Hanna透露劇集仍在拍攝中，所以未能透露得太多，「劇集一開始其實未有交代我係lesbian，但我可以透露在劇中會跟同劇女演員有親密鏡頭，會kiss。」唔洗講Hanna當然係第一次錫女仔，心情難免緊張，問到拍攝前有無特別參考其他作品？Hanna指，「好彩我身邊有好多女仔朋友，會問下佢地。同埋會觀察佢地嘅美，都係一個新挑戰。」

至於同劇的徐肇平同樣飾演同性戀者，在劇中就飾演陳國邦的老公，他同樣表示與對方都有kiss戲，「但唔係好激烈嗰種，只係goodbye kiss嗰啲。」但最尷尬莫過於是徐肇平與陳國邦其實是互不相識的，「我有同過媽咪講要拍呢套劇，媽咪一聽到陳國邦呢個名，即刻同我講話要接，因為同佢拍劇學到好多嘢。」