《超人回來了》大發遇上昇材 同齡兄弟「闖禍」後第一時間逃!
撰文:鄧樂宜
出版:更新:
《超人回來了》入面嘅BB們都有唔同嘅性格,李同國嘅2歲細仔大發(李時安)成日傻傻更更,而高志溶同樣2歲嘅囝囝昇材就超聰明,兩個細路都好有觀眾緣,俘虜一大班姐姐粉、姨姨粉,最近大發同昇材就一齊着住韓服拍節目,呢兩個性格唔同嘅同齡BB,竟然十足孖生兄弟一樣!
《超人回來了》今日公開咗10月8日播出一集嘅預告片段,大發同昇材着住一樣嘅衫,連髮型都一樣樣,一齊行路嘅時候睇落真係好似兄弟!不過大發邊行邊掛住望後面,一個唔小心就同前面嘅昇材頭撞頭,大發用超可愛語氣同昇材講:「對唔住呀!時安行先喇!」然後就興高采烈咁一支箭跑走,留低一臉不解嘅昇材!
之後大發見到一戶人家門前養住兩隻白狗,白狗一見有陌生人就開始吠,大發扮大人話:「唔准吠!再吠就鬧㗎喇!我唔係壞人!」昇材嚟到之後同大發手拖手走近狗狗,兩個細路又要驚又要行,最後尖叫住一齊逃跑,果然同朋友闖禍後,第一時間就係要逃!
更多《超人回來了》大發、昇材圖片:
+5
下載《香港01》App,更多韓星靚相、影片率先睇!
我們01韓迷的facebook專頁Kpop 01已經開始喇!
想知道更多韓國娛樂、飲食、玩樂、時尚資訊,快點去給like吧:https://www.facebook.com/hk01.kpop/