【Wanna One記者會】姜丹尼爾想做蜘蛛俠　朴志訓夢想做王子

Wanna One 11子姜丹尼爾、朴志訓、李大輝、尹智聖、金在奐、邕聖祐、朴佑鎮、賴冠霖、NU'EST黃旼炫、 裴珍映和HOTSHOT河成雲除咗表示嚟到香港好開心之外，黃旼炫表示：「會為等我哋好耐嘅Wannable（Wanna One粉絲名稱）同埋《WANNA ONE 1st FAN MEETING IN HONG KONG》加場而努力，俾心機做好演出。」

攝影：張穎倫

（觀看更多）

Wanna One姜丹尼爾讚香港夜景靚到嚇一跳　尹智聖覺得好光榮

當主持人講出聽日（4號）就係中秋節，係韓港兩地都係重大嘅節日時，Wanna One都擺出「哇，原來係咁」嘅樣，隊長尹智聖：「在特別日子同Wannable一齊過，明天一定會是特別的一日。」主辦方為咗慶節，都準備咗傳統月餅同冰皮月餅比Wanna One試食，一班為食嘅大男孩一見到有得食就表現得相當興奮。基本上Wanna One都比較鍾意食冰皮月餅，金在奐更嘗試以廣東話講出「冰皮」，可惜即刻被一眾成員恥笑。而姜丹尼爾試食後感為：「冰皮比較甜，好軟身好滑，好好味。」

（觀看更多）

【Wanna One襲港】賴冠霖親民揮手　粉絲提前兩日機場霸位

而當主持人問到Wanna One成員大嗰咗有咩夢想？朴志訓就回應：「細個嗰時希望做可以保護公主嘅王子！」肉麻指數超高！而姜丹尼爾就話細個本來想做導演，之後轉咗想做全世界最出名嘅B-Boy，依家就想做蜘蛛俠！不過姜丹尼爾就無講點解，邕聖祐、李大輝同裴珍映就始終如一，夢想就係做idol！黃旼炫就最搞笑，話自己細個個時想做總統，不過大咗之後就發覺呢件並唔係易事，而自己又鍾意音樂，所以就好想做歌手。最後尹智聖表示：「我地準備緊Repackage版，好快就會推出，大家要期待下啊！」

更多Wanna One記者會圖片：

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/