朴敘俊香港見面會被催生B　男神計劃「這時」做爸爸！

朴敘俊今晚在香港九展舉行亞巡見面會《2017 朴敘俊 PARK SEO JUN LIVE “GUESS WHO?” IN HONG KONG》，第一次以見面會的形式同香港粉絲見面，等大家可以見到「東萬」真身呀！今晚見面會上，粉絲唔單止可以同男神面對面傾偈，仲可以聽到朴敘俊溫柔嘅歌聲！
張穎倫攝

見面會在晚上7時40左右開始，朴敘俊穿上灰色西裝現身台上，先用廣東話講：「大家好，我係朴敘俊！」已經唔係第一次嚟香港嘅朴敘俊，又點止學一句廣東話，朴敘俊仲跟住主持人話：「我好掛住你哋！」「我都係呀！」仲露出怕醜笑容，好可愛呀！

（觀看更多） [朴敘俊香港見面會]完美body的秘密　童年夢想唔係做男神真相是？

見面會第一個環節中，朴敘俊同大家分享小時候的相片，原來朴敘俊係三兄弟中嘅大哥，父母都好嚴格，所以朴敘俊自認細個超乖，最「叛逆」的一件事竟然是成為演員，因為父母都想他做記者！朴敘俊又斬釘截鐵話：「我同媽媽一齊照顧細佬，完全冇蝦細佬，係好好嘅哥哥！」

講到成日喺IG甫侄仔合照，朴敘俊即刻話：「我好鍾意小朋友，佢哋係最純粹嘅，有時間都會去睇！」話一出口就立即被主持和粉絲催生B，不過朴敘俊似乎未plan好，搞笑答：「250年後先生仔！」250年後嘅話......睇嚟下次朴敘俊要拍穿越劇喇！

（觀看更多） 朴敘俊預告香港見面會有驚喜　不捨好兄弟姜河那入伍

我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/