【爸爸去哪兒】Jasper 放電冧掂陳小春　偷偷地話：他喜歡我

《爸爸去哪兒》最新一集開始，大家見到Jasper係醫院住咗一晚都非常擔心！好彩的是他們在節目下半集也趕到與其他家庭會合，Jasper能夠再見朋友仔，心情非常開朗，而且陳小春一改上幾集火爆脾氣，對Jasper悉心照顧，令他今集的表現High到爆。

陳氏父子到咗之後第一個任務就是「拎食材」。Jasper要聯同軒軒、Max到地道尋找家中欠缺的食材，三人需要步入漆黑的地道，在沒有爸爸幫助下尋寶。不過Jasper可能怕黑，全程膽戰心驚，一行入地道就叫：「軒軒哥哥等我！」而且行咗幾步之後，他已經掛住小春，即使軒軒話：「不要怕，我們是男子漢對不對！」Jasper仍然一面茫然，毫無反應，更不斷回望入口，希望見到爸爸，幾經艱辛，Jasper終於走出地道見返小春，春哥亦大讚Jasper：「Very Good。」

到晚飯的時候，小春竟然主動叫Jasper先食，更笑著說：「你是大哥，我是小弟，你先吃。」Jasper聽到之後當堂嚇一嚇，不過幾秒之後就接受了依個事實，向小春放電眼，電到春哥冧一冧，更怕羞地向節目組說：「他喜歡我！」會心微笑了下。但這四個字，竟然令平時霸氣慣的春哥心也溶了，尷尬地笑了笑說：「要嘗試一下做個溫柔的爸爸。」我諗世上只有應采兒和Jasper才能夠征服春哥的心。

其實咁咪好囉，假如日日返到屋企聽到仔仔話：「他喜歡我！」，真係人生一大樂事，希望小春可以保持住溫柔爸爸的形象。