【同盟】Final Boss點只一個 最終大佬原來真係佢?
撰文:黃梓恒
出版:更新:
在昨日晚上的《同盟》,人人都估不到Rainman身份是江美儀飾演的金天,不過這個Rainman原來並不是孤身一人,幕後還有一個終極大佬,真是教觀眾看不透。就在昨晚那集播放完畢後,美儀姐都立即開Live跟粉絲們傾吓劇情,當有人問她究竟係咪還有最終Final Boss的時候,美儀姐就略帶尷尬咁話:「唔知喎,真係唔講得架。」咦,咁隱晦,唔通仲有玄機?
前幾日,《同盟》做宣傳的時候,就邀請了六位演員出現等人估吓誰是Big Boss,分別有梁舜燕、羅樂林、歐瑞偉、江美儀、林子善和張國強。美儀姐已經率先成為Rainman,不過相信仲有一位Final Boss在背後,根據該劇監製文偉鴻在微博所講:「少年太年輕了!仲有排估!」連MyTV Super的宣傳海報都說:「Rainman點只一個咁簡單」睇嚟真係仲有下文喎!
問題就嚟喇,咁究竟邊個先係最終Final Boss呢?有不少網民指出是歐瑞偉飾演的易先生,因為在《城寨英雄》他也是Final Boss,不過根據消息,林子善飾演的令家名將會同金天合作對付鮑起靜飾演的令熊。而陳展鵬飾演的高子杰將會因為錢而同金天合作,更加會刺死陳山聰飾演的令千佑,不過原來佢哋只係扮反目,目的就係要反利用金天,之後唔使講都知道係佢兩兄弟夾手夾腳搞掂金天。其實正如之前的報導一樣,很大機會依然是林子善,除了因為海報剪影之外,其實睇片頭曲都好明示佢係Final Boss,加上他又將會掉轉槍頭打自己人,大家終於唔使估來估去喇!
《踩過界》亂入《同盟》 王浩信先係終極final boss【同盟】易先生原來唔識浪漫 歐瑞偉:我攞道具花送俾老婆【同盟】歐瑞偉做武師試過5樓跳落街 諗返都驚:好似去行刑!【同盟】無綫海報又自爆終極大佬? 疑似Boss話:總之唔講得啦!