【港姐2017】賽前大熱8號伍樂怡表現佳　落選真係令人好失望

在私生活，如果有瀏覽Kelly的Instagram，就會知道她十分喜歡騎馬，騎馬這種在香港並不普遍的活動，多少人會認為她有點兒離地，不過她在接受《香港01》訪問時說過：「其實騎馬係加拿大嚟講係一件好平常好多人做嘅sport，咁返到嚟香港，我自己嘅興趣冇話有咩特別去改變。」

Kelly出生自加拿大，不過回流香港讀中學，之後又遠赴多倫多滑鐵盧大學讀大學，直到上年畢業就返港任職人力資源文員。根據她的言論，是為了增廣見聞及豐富自己人生，所以參選港姐。憑住漂亮加上少少混血味道的面孔，在第一天面試已經成為大熱門份子，更有翻版「李若彤」的稱號。一路走來都是大熱姿態，勇奪港姐贊助商莎莎的「我最喜愛佳麗」和「最佳莎莎KOL大奬」兩個獎項，奪冠呼聲可謂最高。

可惜，Kelly雖然能夠進身最後五強，但都係三甲不入，賽前大熱變成一個獎都無，相信好多人都想為佢抱不平。其實以當日現場表現又好，外在條件又好，學歷智識都好，Kelly係絕對有能力奪冠，更加唔好講三甲都無？有時你不難令人質疑TVB的選舉制度，最好笑最後又do姐一人投兩票決定冠軍，而冠軍亦只係主宰在8個人手上。不過TVB嘅娛樂節目大家都係笑吓算，唔好太認真喇！