Celine入準決賽　杜汶澤拍片笑小巨肺拉票：究竟我睇緊乜？

大家近幾天除了關心颱風天鴿、杏花村水浸之外，還有9歲小巨肺譚芷昀Celine在美國比賽《全美一叮》的情況。雖然她昨日唱《When I Believe》失手，被Mel B狠批年紀太小，未能駕馭首歌，但未知是否後來的拉票片段，盡Show本錢，又曬童真及可愛，能夠挽回多一點分數，今天宣布她能夠躋身準決賽，能夠鬆一口氣。而Celine的拉票片段迴響很大，就連杜汶澤忍不住拍片摹倣。

講到Celine拉票片段，有不少正反聲音，正就當然話佢得9歲女，講英文就有流利同地道的美國口音，加上動作可愛，都覺得佢好有童真；不過都有網民覺得她動作誇張，有點造作。不過點都好，早前因為胃部有事要入醫院檢查的杜汶澤，剛剛在Facebook上載短片：「請用良心投我神經的一票。」更有hashtag表示：#究竟你睇緊乜系列，短片所見，見到頭帶cap帽阿澤非常生猛，同樣以浮誇的肢體動作摹倣着Celine，不時翻白眼，扮鬥雞，用行動曲線證明佢已經冇咩事喇。

搞笑的杜汶澤後來在留言提供出處，正正是Celine的拉票短片，笑言：「究竟我睇緊乜？」有人留言，講笑話：「阿澤小朋友，拉完票記得食藥啦！」、「你食錯藥？」阿澤都以Celine口吻回覆留言，眼見阿澤如此生動的演繹，他的朋友都忍不住留言：「你咁肉緊，咁交戲，會投你一票」