天鴿澳門風災港人抽報平安功能水　小肥怒斥：現時對市民好重要

昨日強颱風「天鴿」威力相當強大，與香港一海之隔的澳門遇上漲潮，令澳門多處地方水浸，颱風更造成最少6人死亡、153人受傷。而今日澳門仍然暫時停水停電，早上有不少澳門市民指，有商戶將礦泉水坐地起價。但令人不能接受的，就是澳門氣象局局長馮瑞權在記者會上的態度，當中身為澳門人的小肥亦有在Facebook轉發事件，表示十分憤怒。其後小肥接受《香港01》訪問時，就指昨日Facebook的報平安功能對澳門人好有用，「你唔係嗰環境你唔會明，咪會覺得多餘，唔知點解會有人鬧功能，當然你用唔到緊係唔使喇，呢啲咪就係身在福中不知福。」

小肥透露咁大個仔係澳門都是未試過10號風球，「可能大家都覺得好安全，好安穩，防備會做得唔係咁好。天氣預告有好似叫打風大家都唔使驚，但可能會令到失去戒心，會有咁嚴重嘅後果。」而他亦不能接受是澳門氣象局局長馮瑞權昨晚舉行的記者會，「最衰係佢企出嚟嘅態度，睇到係會唔開心。」提到有部分香港人對於今次「天鴿襲澳」都抱幸災樂禍的心態，更留言話「澳門人派啲錢就得架喇」，小肥聞言後亦覺得好慨嘆話，「haters嗰班好衰好口臭，衰啲講返轉頭，如果今次係發生係香港，唔排除可能有澳門人口臭話返香港人，其實社會真係唔好有呢啲幸災樂禍的風氣。」對於有不少商戶趁颱風坐地起價，小肥就表示，「衰人係有，但好人都有，有啲小商戶出嚟派水同食物俾前線人員，澳門人都好互助，喚醒了現時嘅社會好多澳門人互助嘅精神。」