陸永老婆疑因父拖數被債主騷擾 ig聲明劃清界線:必報警處理!
撰文:梁雅婷
出版:更新:
農夫成員陸永與老婆Reina在2011年奉子成婚,出名恩愛,陸永成日分享兩個囡囡一穎和一心的生活片段。Reina婚後專心照顧家庭,陸永就畀心機搵錢養家,人前人後都好恩愛。不過昨晚Reina在Instagram上發聲明,表示要同爸爸斷絕關係。
Reina在留言中好憤怒提到︰「搞到啲仔女冇所謂,但係唔好俾我條女知就得!」,其後她再發聲明,內容指出她的爸爸及公司涉及金錢糾紛,與Reina無關,更指出如果受到任何威脅,將會報警處理及保留一切法律追究權利。在言語間透露出Reina受到債主騷擾,希望事件能告一段落。據悉陸永在外地工作,未能陪在老婆身邊解憂,有指今次事件牽涉Reina與朋友合資的美容院工程,並由陳爸爸負責裝修工程,當中Reina已付清工程費用。但後來發現陳爸爸卻未有向其他工人找數,搞到債主追上門,Reina感到好困擾,所以決定出聲明撇清關係。好多網友都tag陸永,想召喚陸永幫老婆,希望陸永好快返嚟香港等Reina唔使咁擔心啦!